მომხმარებლის უკუკავშირის ანალიზი

ბევრი გრაფიკული დიზაინერისთვის რთულია კომუნიკაცია საკუთარ მომხმარებლებთან. ზოგ შემთხვევაში საქმე გაქვთ გამოცდილ მომხმარებელთან რომელსაც ესმის დიზაინის ელემენტარული ნაწილები, ზოგჯერ - კი ისეთი ტიპის ხალხთან რომელსაც მხოლოდ შედეგით შეუძლია მსჯელობა.



მომხმარებლის უკუკავშირის ანალიზი დაგეხმარებათ არა მარტო მის დაკმაყოფილებაში არამედ თქვენი საქმის ზოგადად გაადვილებაშიც, რაც ბუნევრივია შრომით პროცესს პოზიტიურად ცვლის.

ამ სტატიაში გთავაზობთ რამდენიმე სტანდარტულ უკუკავშირის ტიპს, რომელთანაც გამკლავებაში დაგეხმარებით.


"კარგია, მაგრამ..."
"მაგრამ-ის" შემდეგ რაც მოდის შესაძლოა იყოს როგორც პატარა დეტალი ასევე ელემენტი, რომელიც მთლიან კოდს წყალში ყრის.
მაგ: თუ მომხმარებელი იძახის: "კარგია, მაგრამ ფონტი ზედმეტად პატარაა," წესით უპრობლემოდ უნდა შეცვალოთ ფონტის საბაზო ზომა რაიმეს გაფუჭების გარეშე.

სხვა შემთხვევებში ფონტის შეცვლამ შესაძლოა მთელი დიზაინი არიოს. ასეთ სიტუაციაში ჯობს მომხმარებელს ვანახოთ თუ რა ხდება როდესაც ისეთი "უმნიშვნელო დეტალი" როგორც ფონტის ზომაა იცვლება. თვითონ როცა ცხადად დაინახავენ შედეგს უფრო დიდი შანსია რომ ზედმეტი კრიტიკა არ მოაყოლონ.


პრობლემის საფუძვლის პოვნა

ხანდახან მცირე შესწორებები არაა საკმარისი მომხმარებლების მოთხოვნების დასაკმაყოფილებლად. თუნდაც ისეთ შემთხვევებში როგორებიცაა: "Typeface-ს სიმცირე კითხვის სირთულის პრობლემას ქმნის". უფრო დიდი typeface-ის მაგივრად შეგიძლიათ ხაზების-სიმაღლე (line-height) ან ასოებს შორის სიმჭიდროვე შეცვალოთ

ზოგ შემთხვევაში უკეთესია მომხმარებლებს პირდაპირ აჩვენოთ რა მოყვება მისი რჩევის/თხოვნის გათვალისწინებას.
უკმაყოფილოდ რომ არ დატოვოთ შეგიძლიათ ჩაეკითხოთ იმ პრინციპის შესახებ, რომლის მიხედვითაც აარჩიეს გარკვეული ელემენტები. შესაბამისად გექნებათ საშუალება რომ ალტერნატივების ძებნა დაიწყოთ.



მაიკრო-მენეჯერი მომხმარებლები
ზოგი მომხმარებელი თქვენ ყოველ სვლას აკონტროლებს, ამოწმებს, აკრიტიკებს, ა.შ. ასეთ ხალხთან მუშაობა გამოცდილების გარეშე ძალიან რთულია, თუმცა ამ ურთიერთობის გაუმჯობესება მარტივად შესაძლებელია.


სცენარი #1

ხანდახან მომხმარებელი თვითონვე ცდილობს გამოასწროს რაიმე მნიშვნელოვანი დეფექტი თქვენს დიზაინში.

ამ შემთხვევებში ჯობს უფრო ზოგადი უკუკავშირი მოითხოვოთ მისგან (მაგ: რას მოსწონთ, რა არა). ამ ინფორმაციის დამატება შეგიძლიათ დანარჩენ მონაცემებზე, რომ პრობლემის მთავარი მიზეზი იპოვოთ და ისე გამოასწოროთ რომ არაფერი დაზიანდეს.


სცენარი #2

ზოგი მომხმარებელი ცდილობს თქვენი ყოველი გადაწყვეტილების მკაცრად კონტროლს; ასეთ სიტუციებში ჯობს საერთოდ უარი თქვათ პროექტის დაწყებაზე. ასეთი პროექტების შედეგები ძირითადად შემქმნელისთვის საკმაოდ არადამაკმაყოფილებელია.

თუ გამოსავალი არ გაქვთ გახსოვდეთ რომ არაა საჭირო ეს დიზაინი პორტფოლიოში შეიტანოთ ან საკუთარი სახელი დაუკავშიროთ მას.


"ეს ჩვენი სტილი არაა..."

ეს ტიპის პასუხი თავიდან გამაღიზიანებელი ჩანს, თუმცა მაინც საკმაოდ დიდ მნიშვნელობას ატარებს. ზოგადად, ე.ი მომხმარებელს მოსწონს თვითონ დიზაინი, თუმცა თვლის რომ ბრენდის იმიჯში არ ჯდება.

სთხოვეთ ისეთი დიზაინების მაგალითი განახოთ, რომლებიც უფრო მეტად ჯდებიან მათ იმიჯში. ან შეგიძლიათ პირდაპირ კითხოთ თუ რა აინეტერსებთ კონკრეტულად: სერიოზულობა თუ სიმხიარულე, იდუმალება თუ პირდაპირობა, მიმზიდველობა თუ ანალიტიკურობა.
ამ პასუხების მიხედვით შეგეძლებათ შესაბამისი ცვლილებები შეიტანოთ.


"არ მოგვწონს..."

ასეთი პირდაპირი უკუკავშირი ხშირად ითვალისწინებს კონკრეტული ელემენტების დაწუნებას. მსგავსი პასუხისას უფრო მარტივია ჩავეკითხოთ კონკრეტულ დეტალებზე ისე რომ სათანადო რჩევები მივიღოთ.



პირველ რიგში აუცილებელია მომხმარებელს რაც შეიძლება გაუადვილდეს თქვენთან კომუნიკაცია (ჯობს თქვენვე გამოიჩინოთ ინიციატივა). სწორი მიდგომით მთელი პროექტი ბევრად სასიამოვნო პროცესი ხდება

იკა