შაბლონების გამოყენება დიზაინში

შაბლონების გამოყენება დიზაინში
03 ნოემბერი 2023     514

შაბლონების გამოყენება დიზაინში

დღეს განვიხილავთ თემას, რომელიც საკმაოდ პოპულარული გახდა ამ ბოლო დროს დიზაინ სივრცეებში - შაბლონების გამოყენებას. ცოტა ხნის წინ წარვადგინეთ ჩვენი პლატფორმა, Wik.ge, რომელიც შეიცავს სხვადასხვა ტიპის შაბლონებს თქვენი ბილდერისთვის. ამიტომაც, ამ ბლოგში განვიხილავთ შაბლონების გამოყენების უპირატესობებს და მინუსებს იმისათვის, რომ უკეთესი წარმოდგენა გქონდეთ იმაზე, თუ რას შეიძლება ელოდეთ მათი ყიდვით.


შაბლონების გამოყენების უპირატესობები

1. არანაირი რთული მოთხოვნები, ან გაუთვალისწინებელი დეტალები

პირველ რიგში, დავიწყოთ შაბლონების ერთ-ერთი ყველაზე დიდი უპირატესობით - სიმარტივით. როდესაც საიტის დამზადებას ნულიდან იწყებთ, უამრავი პატარა დეტალია გასათვალისწინებელი. განლაგებიდან და ფერების სქემიდან დაწყებული, ნავიგაციით და UI-თ დამთავრებული, ყოველი ელემენტი გააზრებულად უნდა იყოს გაკეთებული. რაც საკმაოდ ჩახლართული დავალებაა, განსაკუთრებით დამწყებთათვის.

თუმცა, შაბლონით, ეს ყველა პრობლემა ქრება. რადგან ელემენტები და განლაგება უკვე მზად არის მოცემული, ამიტომ აღარ გიწევთ იმაზე ფიქრი, თუ რა შეიძლებოდა დაგვიწყებოდათ, ან იმაზე, რომ რაიმე პატარა შეცდომა შეიძლება დაგეშვათ, რომელმაც შეიძლება მთლიანი საიტი არიოს. უბრალოდ უნდა აირჩიოთ სასურველი დიზაინი, დაამატოთ კონტენტი და ეგაა. სრულიად ფუნქციური საიტი გაქვთ.

ლეპტოპი

2. მოლოდინების განსაზღვრა

კიდევ ერთი პოზიტიური რამ შაბლონების შესახებ არის ის, რომ შეგიძლიათ წინასწარ იცოდეთ, როგორ იქნება თქვენი საიტი. რაც, როდესაც საიტს ნულიდან იწყებთ, რთული განსასაზღვრია. იმუშავებს თუარა ყველაფერი ზუსტად ისე, როგორც გსურთ და იქნება თუ არა ის ისეთი ხარისხის, როგორის იმედიც გაქვთ?

შაბლონის შემთხვევაში, რასაც ხედავთ, იმას იღებთ. წინასწარ შეგიძლიათ შეამოწმოთ დიზაინი, რომ სიურპრიზებს აარიდოთ თავი. რაც ბევრ სტრესს და იმედგაცრუებასაც მოგაშორებთ.

3. ვებ-დიზაინის განათლება

ეს საკმაოდ მარტივი გასაგებია. თუ ბიზნეს მფლობელი ან ბლოგერი ხართ ვებ დიზაინის გამოცდილების გარეშე, შაბლონები სასიამოვნო ბენეფიტია. HTML-ის, CSS-ის, ან JavaScript-ის სწავლის გარეშე, შეგიძლიათ პროფესიონალური ვებსაიტის ქონა. არც ისაა საჭირო, ელემენტარული რამეები იცოდეთ ვებსაიტის ფუნქციონირებაზე. უბრალოდ კომპიუტერის ხმარება უნდა შეგეძლოთ, ესაა და ეს.

4. იაფი და სწრაფი

და ბოლოს, შაბლონები რესურსებსაც და დროსაც ზოგავენ. პროფესიონალი ვებ დიზაინერის დაქირავება იაფი არაა, თან პროცესსაც კვირები, ან თვეები სჭირდება. შაბლონით კი, რამდენიმე წუთში მოახერხებ საიტის აქტივაციას. საუკეთესო ნაწილი კი ისაა, რომ ყველაფრის გაყიდვა არ მოგიწევთ.


დეკორაცია


შაბლონების გამოყენების მინუსები

1. შეზღუდული პერსონალიზაცია

გადავიდეთ მინუსებზე. პირველი და უმთავრესი მინუსი პერსონალიზაციის შეზღუდულობაა. ბუნებრივია, ფერები, ტექსტი, განლაგება და ორგანიზირება შეგიძლიათ შეცვალოთ, მაგრამ ზოგადი დიზაინი ფიქსირებულია. თუ გსურთ ვებსაიტი, რომელიც თქვენი ბრენდის იდენტობას უკეთ ასახავს, შაბლონი შესაძლოა საკმარისი არ აღმოჩნდეს.

პერსონალიზაციის ნაკლებობამ შესაძლოა UX-ზეც იმოქმედოს. შაბლონები ერგება ბევრ სიტუაციას, თუმცა ყოველ ვებსაიტს თავისი სპეციფიური საჭიროებები აქვს. რაც ერთისთვის მუშაობს, მეორესთვის შესაძლოა პრობლემური გახდეს. ამიტომ, თქვენი სპეციფიური აუდიტორიისთვის შესაძლოა კარგი ვარიანტი არ იყოს შაბლონის შეთავაზება.

2. შეზღუდული შესაძლებლობები ბრენდინგში

ეს წინა იდეას უკავშირდება. შაბლონით რთულია გამოირჩეოდეთ კონკურენტებისგან. რაც რასაკვირველია მოქმედებს თქვენი ბრენდის დამკვიდრების შანსებზე და იმაზე, რომ ის დასამახსოვრებელი იქნება. დღევანდელი კონკურენციის გათვალისწინებით, ორიგინალური და ცნობადი ბრენდის ქონა დიდი ფაქტორია.

ნოუთბუქი

დასკვნა

შაბლონები შესაძლოა ძალიან კარგი იარაღი იყოს ვებსაიტის მალე და მარტივად გასამზადებლად. თუმცა, ყოველ მათგანს მოყვება თავისი გარკვეული შეზღუდვები. საბოლოო ჯამში, ყველაფერი იმით წყდება, თუ რა გესაჭიროებათ ვებსაიტისგან. თუ უფრო პრიორიტეტულია სისწრაფე და სიმარტივე და ნაკლებად უნიკალურობა და პერსონალიზაცია, მაშინ შაბლონები არაა ურიგო იდეა. თუ გჭირდებათ ვებსაიტი, რომელიც მეტად შეესაბამება თქვენს ბრენდს, მაშინ სხვა ვარიანტებიც უნდა განიხილოთ.

იშვიათია, რომ რაიმე ყველაფერს ერგებოდეს ვებ დიზაინში. ამიტომ, ჯობს კარგად აწონ-დაწონოთ თქვენი ვარიანტები და აირჩიოთ გზა, რომელიც შეესაბამება თქვენს სურვილებს.

იკა

იკა