მყიდველებთან მუშაობა პრაქტიკულად ნებისმიერი ბიზნესის მნიშვნელოვანი ნაწილია. ის ორიენტირებულია არამარტო პრობლემების გადაჭრაზე, არამედ ურთიერთობების ჩამოყალიბებაზეც. როდესაც მომხმარებლებს უამრავი სხვადასხვა ვარიანტი აქვთ, კარგი სერვისის შეთავაზება შეიძლება აღმოჩნდეს ის, რაც თქვენს ორგანიზაციას მისცემს საშუალებას გადალახოს სხვადასხვა ზღურბლები.
საკმაოდ ბევრი ცვლადია, როდესაც საქმე ეხება მაღალი ხარისხის სერვისს. ერთ ბლოგში ამ ყველაფერს ვერ ჩავატევთ, მაგრამ შეგვიძლია საწყისი ელემენტები მოკლედ მიმოვიხილოთ.
1. გაგება
პირველი ნაბიჯი უნდა იყოს იმის გაგება, თუ რისი თქმა უნდათ თქვენს მომხმარებლებს. რაც თავისთავად იწყება თქვენი თანამშრომლებისთვის სერვისებზე და პროდუქტებზე საჭირო ინფორმაციის მიწოდებით. გუნდს, რომელსაც ესმის მსგავსი დეტალები, უკეთ შეუძლია სწრაფი და აკურატული ინფორმაციის გადაცემა სხვებისთვის.
ასე შეხედეთ: მყიდველებთან ურთიერთობისას ისევე, როგორც ცხოვრების უამრავ სხვა ასპექტში, საჭირო ინფორმაციის ზუსტად გადაცემა ძალიან დიდი პლიუსია. ერთია დაზეპირებული ფრაზები და მეორეა იმის გაგება, თუ რას, რატომ, როგორ, ა.შ. სთავაზობს თქვენი ორგანიზაცია მათ. თან ასე მშრალს პასუხებსაც აარიდებთ თავს, მომხმარებლების კი, დიდი ალბათობით, უკეთეს პასუხებს მიიღებენ. 
2. თქვენი მიდგომა
თბილი და მეგობრული მიდგომა ტონს ქმნის პოზიტიური ინტერაქციებისთვის. კარგ მომხმარებლებს შეგიძლიათ დამატებითი ყურადღება მიაქციოთ. დანერგოთ რაიმე ტიპის სისტემა ერთგულებისთვის. ან უბრალოდ მადლობის ბარათი ან ფასდაკლების ვაუჩერი შესთავაზოთ.
სხვამხრივ, როდესაც რთულ მომხმარებლებთან გაქვთ საქმე, მეტი მოხერხებულობა გმართებთ. არ იჩქაროთ, ფრთხილად შეარჩიეთ სიტყვები და ემპათიურად მიუდექით მათ. არ დაგავიწყდეთ, თქვენი მიზანი არა მხოლოდ პრობლემის გადაჭრა, არამედ ურთიერთობის გაუმჯობესებაა. მოთმინება და გაგება ბევრ რთულ სიტუაციას დამატებით შესაძლელობებად აქცევს.
3. დროულობა
დღევანდელ სამყაროში, სისწრაფე თქვენს ბიზნეს ურთიერთობებზე ხშირად იმოქმედებს. სწრაფად რეაგირება მარტივად გასაკეთებელი რამაა და ხშირად შედეგი საკმაოდ დიდი აქვს, ბიზნეს კუთხით. იქნება ეს ლაივ ჩატი, იმეილი, სოციალური მედია, თუ სხვა, სწრაფი პასუხები ერთგვარი სიგნალია, რომ აფასებთ სხვების დროს. რაც არა მარტო კმაყოფილებაზე მოქმედებს არამედ პოზიტიური ინტერაქციის ალბათობასაც წევს
დროული პასუხი მხოლოდ ეფექტურობაზე არაა, ეს არის ერთგვარი სიმბოლური დემონსტრაცია, ან ყოველ შემთხვევაში ასე შეიძლება აღვიქვათ, რომელიც გამოხატავს, რომ სხვების გამოცდილებაზე ზრუნავთ.
4. უკუკავშირი
უკუკავშირის მოთხოვნა უბრალოდ ფორმალურობა არაა; პოტენციურად სტრატეგიული ნაბიჯია. მომხმარებლებს მოსწონთ, რომ უსმენენ. აქტიურად შეეცადეთ მიიღოთ უკუკავშირი სერვისზე, პროდუქტებზე და მათ ზოგად გამოცდილებაზე. მოკლედ, ეს არა მხოლოდ ინსაითების მიღების, არამედ მომხმარებლებზე პოზიტიური შთაბეჭდილების დატოვების გზაა.
ეს პროაქტიული მიდგომა დაგეხმარებათ მომხმარებლები ერთგულები გახადოთ თქვენი ორგანიზაციის მიმართ. თან, ყოველთვის შეიძლება რაიმე ისეთი იყოს რაც გამოგრჩათ ვებსაიტთან, ბრენდინგთან, სერვისებთან, პროდუქტებთან, ა.შ., მიმართებაში. ერთმა მარტივმა პასუხმა შესაძლოა ეს პრობლემა გადაგიჭრათ. 
5. ჰუმანიზაცია
მოიშორეთ კორპორატიული ჟარგონი და არასაჭირო თვით-რეკლამირება. როდესაც სხვებთან კომუნიკაციას იწყებთ, ეცადეთ თქვენი კავშირი გავდეს ადამიანებს შორის კავშირს და არა უბრალოდ კორპორაციასა და ადამიანს შორის. გამოიყენეთ ლაკონური, პირდაპირი და ყოველდღიური ენა. ერიდეთ შაბლონებით საუბარს და ეცადეთ იყოთ გულახდილები.
თქვენმა მომხმარებლებმა უნდა მიიღონ პასუხი, რომელიც რაღაცით წააგავს მაინც ყოველდღიურ საუბარს, არ ჯდება რაიმე კორპორატიულ ინტერნეტ შაბლონში. ჰუმანიზაცია ხშირად პოზიტიური ემოციური კავშირის ჩამოყალიბებას უწყობს ხელს, რაც უფრო დამამახოვრებელს ხდის თქვენს ორგანიზაციას.
EN
GE