Facebook-ი, მისი 3 მილიარდამდე მომხმარებელის ქსელით, წარმოადგენს აუდიტორიასთან დაკავშირების, ბრენდის ექსპონირებისა და კონვერსიების გაუმჯობესების ხელსაყრელ საშუალებას. თუმცა, ბევრისთვის სოციალური მედიის მარკეტინგი საკმაოდ დამთრგუნველი რამაა. მაგრამ, არსებობს გარკვეული რჩევები, რომელთა გათვალისწინებაც შესაძლოა მნიშვნელოვანი გამოდგეს, თუ Facebook მარკეტინგის სხვადასხვა ასპექტები თქვენთვის ზედმეტად ჩახლართულია.
1. პროფილი
სანამ უფრო რთულ საკითხებზე გადახვალთ, რეკომენდირებულია გადახედოთ პროფილს და გადაამოწმოთ, რომ დახვეწილი და მომხმარებლებზე ოპტიმიზირებულია. პროფილი სწრაფი გზაა, რომ პოტენციური მომხმარებლები დააინტერესოთ და უცბადვე უკეთ გაცნოთ თქვენი ბრენდის შეთავაზებები. ამიტომ, მიდგომა უნდა ითვალისწინებდეს პროფილის ისეთ აღქმას, რომელიც ყურადღებას ამახვილებს იმ რამდენიმე წამზე, რომლებშიც პროფილმა უნდა დატოვოს პოზიტიური შთაბეჭდილება.
გადაამოწმეთ, რომ პროფილი სავსეა მნიშვნელოვანი ლინკებით დაამატეთ ვებსაიტი, მეილ და ნებისმიერი რელევანტური სოც-მედიის მისამართი. ასევე ბიზნეს საათები, მდებარეობა და კონტაქტის დეტალები. ასეთი რამეები უპრობლემოს ხდის მომხმარებლებისთვის თქვენს პოვნას. თან არც ღიზიანდებიან იმიტომ, რომ საჭირო ინფორმაციას ვერ პოულობენ.
პროფილის აღწერა ჯობს იყოს მოკლე და ცხადად გადმოსცემდეს თქვენი ორგანიზაციის არსს და value proposition-ს. ხაზი გაუსვით თქვენ უნიკალურ მხარეებს და აღწერეთ რატომ უნდა აგირჩიონ თქვენ. რაც არ ნიშნავს საკუთარი მიღწევების გაზვიადებას, პირიქით გულახდილი მიდგომა უკეთესია.
2. განრიგი
თანმიმდევრულობა ეფექტური სოც-მედიის მარკეტინგის ქვაკუთხედია. თანმიმდევრული პოსტ განრიგით, უფრო ადვილად დაამახსოვრებთ სხვებს საკუთარ ორგანიზაციას. წინასწარ დაგეგმეთ თქვენი კონტენტი, რომ მუდმივად შეგეძლოთ მათი დაპოსტვა. გამოიყენეთ განრიგის შექმნის და დახვეწის ხელსაწყოები პოსტების ავტომატიზაციისთვის.
ცვალეთ სიხშირეც, რომ გაარკვიოთ, რომელი დროა ან როგორი ტიპის განრიგია ყველაზე ოპტიმალური აუდიტორიასთან ხაზზე გასასვლელად. ხარისხი უნდა იყოს პრიორეტიზირებული და არა რაოდენობა. პატერნები მცირე რაოდენობის პოსტებითან შეგიძლიათ შექმნათ. ამიტომ კონცენტრირდით ღირებული და საინტერესო კონტენტის შექმნაზე, რომელსაც მოყვება რეზონანსი. 
3. კონტენტის ტიპები
ცვალეთ კონტენტის ტიპიც იმიასთვის, რომ აუდიტორიის სეგმენტების სხვადასხვა პრეფერენციებს მოარგოთ თქვენს მიერ დადებული ინფორმაცია. გამოიყენეთ სხვადასხვა ფორმატები, მათ შორის სურათები, ვიდეობი, ინფოგრაფიკები და ლაივ სტრიმები.
შექმენით მრავალფეროვანი კონტენტ კალენდარი, რომელიც ითვალისწინებს ინფორმაციულ, გასართობ და რეკლამის ტიპის პოსტებსაც. ახალი ტრენდები ასევე დაგეხმარებათ უკეთესად გამონახოთ ალტერნატიული გზები მომხმარებლებთან დასაკავშირებლად.
4. უკუკავშირი
უკუკავშირის მოსმენით, გათვალისწინებით და მასზე რეაგირებით სხვებს აჩვენებთ, რომ თქვენთვის სულ ერთი არ არის მათი აზრი, რაც უფრო ადვილს ხდის სამომავლო ურთიერთობების განმტკიცებას. გააკეთეთ ხშირად დასმული კითხვების სექცია (FAQ), რომ უპასუხოთ ხშირ შეკითხვებს და მარტივი პასუხი გასცეთ მათ. დაამატეთ ახალი რამეებიც, თუ ბევრჯერ წააწყდებით ერთსა და იმავე ტიპის პრობლემას, გაუგებრობას ან კითხვას. 
ექსპერიმენტები ჩაატარეთ სხვადასხვა პოსტის სტილებზე, ჰედლაინ სტილებზე და CTA-ებზე იმისათვის, რომ გაარკვიოთ, რომელს აქვს მეტი გავლენა თქვენს აუდიტორიაზე. კომენტარებსაც და მესიჯებსაც მალევე უპასუხეთ, გასაგები მიზეზის გამო: არ გაუშვებთ ხელიდან შესაძლებლობებს და მომხმარებლებს არ გააღიზიანებთ.
პლატფორმის უპირატესობა ისაა, რომ ადვილად აკავშირებს ხალხს და ქმნის პატარ-პატარა სოციუმებს. ერთ-ერთი გზა ამის გასაკეთებლად არის აუდიტორიის გარკვეული სეგმენტების გამოყოფა და მათზე მიმართვა კონტენტის უფრო პერსონალიზირებული და საინტერესო გამოცდილების შესათავაზებლად. აქტიურად მიიღეთ მონაწილეობა ჯგუფებში ან შექმენით საკუთარი იმისათვის, რომ გამონახოთ პოტენციური მომხმარებლები და საკუთარი ორგანიზაცია დაამკვიდროთ როგორც სანდო. ასევე შეგიძლიათ Facebook-ის რეკლამების მიმართვის ხელსაწყოები გამოიყენოთ აუდიტორიის სეგმენტების ლოკალიზაციისთვის და მათთვის განსაზღვრული მესიჯების მიწოდებისთვის.
ცვალეთ მეთოდები და ნუ შეუშინდებით ჩამოყალიბებული სტანდარტების მიღმა გასვლას, სტრატეგიებიც კონტექსტისამებრ ეცადოთ შეცვალოთ, ტრენდებთან ადაპტაციაზე იფიქრეთ და ყოველთვის პრიორიტეტი მიანიჭეთ გულახდილ კავშირს აუდიტორიასთან.
EN
GE